Clock Of Nellore ( Ulavapadu ) – నెల్లూరు జిల్లా ఉలవపాడు వద్ద జాతీయ రహదారిపై పెను ప్రమాదం తప్పంది. తమ ఇద్దరు పిల్లలతో దంపతులు కారులో ప్రయాణిస్తుండగా ఒక్క సారిగా కారులో మంటలు చెలరేగాయి. అప్రమత్తమయ్యి వారు కిందికి దిగేయడంతో ప్రాణాలతో బయటపడ్డారు. కారు మాత్రం పూర్తిగా అగ్నికీలలకు దహనమైంది. వివరాల్లో కెళ్తే… గుంటూరుకు చెందిన ఓ కుటుంబం బెంగుళూరుకు వెళ్లేందుకు కారులో బయలుదేరారు. ఒంగోలు దాటి నెల్లూరుజిల్లా పరిధిలోని ఉలవపాడు వద్దకు రాగానే కారులో మంటలు చెలరేగాయి. అప్రమత్తమైన కారులోని నలుగురు వ్యక్తులు కారును నిలిపివేసి కిందికి దిగేశారు. నిముషాల వ్యవధిలోనే కారు మొత్తం దహనమైంది. మరో వైపు సమాచారం అందుకున్న అగ్నిమాపక సిబ్బంది హుటాహుటిన అక్కడకు చేరుకున్నప్పటికీ అప్పటికే కారు పూర్తిగా దహనమైంది. ఉలవపాడు పోలీసులు కేసు నమోదు చేసి దర్యాప్తు చేస్తున్నారు.
Tags: Car Fire NH 16 Accidents
