Clock Of Nellore ( Duttaluru ) – నెల్లూరుజిల్లా దుత్తలూరు మండలంలో జాతీయ రహదారిపై కారు దగ్ధమైంది. నలుగురు ప్రయాణీకులు ఆ కారులో వస్తున్న సమయంలో సరిగ్గా దుత్తలూరు మండలం, నందిపాడు సమీపంలో జాతీయ రహదారిపై ఒక్కసారిగా ఇంజన్ లో మంటలు చెలరేగాయి. కారులోని వ్యక్తులు దాన్ని గమనించి కారును రోడ్డుపైన నిలిపివేసి బయటకు వచ్చేశారు. నిముషాల వ్యవధిలో కారు మొత్తం దగ్ధమైంది. సమాచారం అందుకున్న అగ్నిమాపక సిబ్బంది అక్కడికి చేరుకుని మంటలను అదుపు చేశారు. ఇంజన్ లో షార్ట్ సర్క్యూట్ వల్లే మంటలు చెలరేగినట్లు అనుమానిస్తున్నారు.
