Clock Of Nellore ( Kavali ) – ప్రేమించుకుని పెళ్లి చేసుకున్న తమకు తల్లిదండ్రుల నుండి ప్రాణహాని ఉందంటూ తమకు రక్షణ కల్పించాలంటూ ఓ ప్రేమ జంట కావలి పోలీసులను ఆశ్రయించింది. గుడ్లూరుకు చెందిన బెనర్జీ, ఉలవపాడుకు చెందిన కీర్తి గత నాలుగేళ్లుగా ప్రేమించుకుంటున్నారు. వివాహం చేసుకోవాలని కీర్తి తన కుటుంబసభ్యులతో ప్రేమ విషయాన్ని చెప్పగా వారు ఒప్పుకోలేదు. దీంతో ఈ ప్రేమ జంట ఇంటి నుండి వెళ్లిపోయి వివాహం చేసుకున్నారు. అనంతరం కావలి డిఎస్పీ శ్రీధర్ ను కలిసి విషయాన్ని వెల్లడించారు. తన కుటుంబం నుండి తమకు ప్రాణ హాని ఉందని రక్షణ కల్పించాలని కీర్తి డిఎస్పీని కోరారు. దీంతో వారికి డిఎస్పీ భరోసా కల్పించారు. ఇరు కుటుంబాల నుండి ఏ చిన్న ఇబ్బంది కలిగిన తనకు సమాచారం ఇవ్వాలని డిఎస్పీ వారికి సూచించారు.
